KsK Member’s life

Ang Makulay na buhay ni Tess Atentar:

Domestic Helper, Pintor at Investor

Ni Marites H. Atentar

Marites H. Atentar ang aking pangalan at nagtrabaho sa Hong Kong sa loob ng 18 years. Tatlo kaming magkakapatid dito sa HK; Kuya ko at Ate ko. Minsan nagkakasama –sama kaming tatlo pag day off minsan hindi,sa dahilan minsan nag-iiba ang holiday naming tatlo.

Ipinanganak ako sa Infanta, Quezon pero lumaki ako sa Balayan, Batangas. sa Balayan kami nag-aral mula grade 4 hanggang  sa College. Nakapag trabaho din ako ng ilang buwan sa Makati Supermart noon bilang Saleslady, pero di rin ako nagtagal dahil kulang pa sa pamasahe at pagkain ang suweldo. Nakapagtrabaho din sa Cosmos Bottling Corporation bilang Assistant Secretary, pero umalis din ako dahil sa medyo bastos ang may asawang supervisor, kaya ako’y natambay sa bahay. Sobrang nakakainip kapag walang trabaho. Kain. Tulog. Nahihiya na ako sa nagpalaki sa amin, kaya naisipan ko na mag apply sa HK. Noong una ayaw akong payagan, baka daw kung ano lang ang mangyari sa akin sa abroad, pero nagpumilit pa rin ako na umalis dahil gusto ko magkatrabaho.

Ang buhay ko sa Hong Kong 

Naka dalawang taon na ang kuya ko sa HK, kaya naisipan ko na magpahanap ng amo sa agency at nakakita naman agad at pumirma ng kontrata. Kagaya ng maraming OFW sa ibang bansa marami din akong pangarap: makabili ng lupa, makapagpatayo ng bahay, makaipon para sa negosyo, at makatulong din sa magulang at kapatid na noon ay nagsisipagaral pa.

Sa unang dalawang taon ko sa HK wala akong kaibigan na nakakasama dahil Wednesday ang day off ko noon. Kaunti lang ang nag de day-off ng weekdays, mostly Saturday o Sunday ang off ng karamihan. At isa pa, nasa Tuen Mun, new territory ako. Mula sa amin isang oras ang biyahe papupunta ng Central, kaya ang puntahan ko lang noon ay library sa Tuen Mun. Lalabas lang ako ng library kapag kakain ng lunch tapos balik ulit hanggang sa magsara na ang library 5:00pm. Minsan nanghihiram ako ng libro at dinadala ko sa bahay ng amo ko.

Noong 2nd contract ko, may nakilala na ako na pilipina na sa Central pumupunta at sa catholic center nagi- stay sa 18th floor. Palagi na kaming magkasama papunta ng Central tuwing day off at naging choir na rin sa chapel sa 3rd floor ng catholic center ng ilang taon.

Ang talento at libangan: Pagguhit at Pagpinta

Noong nasa pilipinas pa ako libangan ko ang manahi ng mga pillow case at bed sheet at bed cover. Pero noong nasa HK naman ako naging libangan ko ang mag drawing o mag design ng mga gown. Nagpipinta din ako sa Canvass. Hindi ako nagaral magpinta, sumubok lang ako. Nagsimula ako mag-paint sa canvass noong November ng nakaraang taon (2013), pero bago pa noon ay nagpe-paint na ako sa gamit ang aking netbook. Ito ang ilan sa aking mga naipinta:

Painting gamit ang Computer

Sketch

Ilan sa mga Paintings sa Canvass

Paborito kong magpinta ng mga Sceneries, Waterfalls, birds, etc. Kung mapapansin nyo rin sa mga paintings ko, may nakapintang babaeng nakagown. Marahil naisasama ko din ang hilig ko sa pagdedesign ng mga gown sa aking paintings.

Ang ginagamit kong uri ng paint ay Acrylic o kaya Oil. Higit sa 20 na ang aking nagagawang paintings. Ang mga natapos kong paintings ay ibinibigay ko sa aking mga kaibigan bilang regalo o “remembrance”, dahil magba-bakporgud na ako ngayong June 26, 204.

Ang KsK Coop sa buhay ko… 

Marami na akong nasalihan na organisasyon dito sa HK,at marami na ring mga seminars na napuntahan na may kinalaman sa pangkabuhayan at buhay pinansyal. Lalo na sa KSK Cooperative na napakarami ko natutunan sa pamamagitan ni Mr. Francisco j. Colayco at Mr. Armand Q. Bengco. na kung saan ay naging miyembro ako mula pa noong 2004. Sa ibang organisayon sa labas naman ay nakapag aral at natapos ko rin ang 50 hours na intermediate course to English na sponsored ng Constitutional and Mainland affairs Bureau sa pakikipagtulungan ng Christian Action noong 2009, natapos ko rin ang Microsoft word basics funded by Microsoft unlimited potential (community technology skills program para mga ethnic minorities sa pamamagitan ng Christian action. Naging volunteer din pagkatapos ng aking klase. Nakapag aral din sa YMCA ng Icing & cake baking,ganun din sa catholic center royal icing,boiled icing at advance cake baking. naka attend din ng seminars ng enrich.money matters sponsored by goldman sachs.nakasali din sa tatlong painting competiton,organize by: 1. Christian action,2.St. john’s cathedral HIV education center at 3. Philippine Arts festival na kung saan ay napanalunan ko ang first prize sa “ On the spot painting competition.sa dami na ng aking pinag aralan pinakapaborito kong hobby ay painting.maganda ang pakiramdam kapag ako ay nagpipinta,nakakalibang at nakaka alis ng stress sa trabaho.

Marami akong natutunan sa KsK Cooperative (Kapatiran sa Kasaganaan Service & Multipurpose Cooperative) noon nakikinig ako sa radio program ni Tita Kerry  (Mr. Jun Paragas) at kuya Mike (Mr. Michael Vincent Benares) Am 1044 Metroplus. binabanggit nila kapag may seminar na gagawin si Mr Colayco at Mr. bengco ng Colayco Foundation for Education. Noong 2003 ay gumagawa na sila ng mga seminars, hanggang maumpisahan ang KSK Coop noong 2004. Naging volunteer ako sa KsK Coop mula 2004 hanggang ngayon.at ang mga proyekto na aking sinalihan sa coop ay:

• Share Capital- sa pamamagitan ng share capital nagkaroon ng pagkakataon na magbakas bakas ang mga miyembro para makapagpatayo ng mga negosyo na may 1% guaranteed interest kapag may 50 share capital na minimum requirement. Plus additional dividend galing sa mga kita ng ibat ibang negosyo kung lahat ng ito ay kumikita na.
• Kabakas sa aurumn one condo/hotel bilang individual shareholder
• Co-owner ng bangko naming OWN RBCC na nagbibigay ng mataas na interest sa time deposit.
• Investor ng RSIP FAMI SALEF /Mutual Funds.
• CSDA Time Deposit Acct. sa OWN RBCC na nagbibigay ng 5% interest/year in 5 years
• Savings Acct. sa OWN RBCC na nagbibigay ng 1% interest/ year.

Malaki ang naitulong ng KsK Coope sa akin. Natututo akong mag ipon at palahagahan ang pinaghirapang pera. Natutunan ko ang magtipid, na noon mahilig ako bumili ng mga bagay na minsan di ko naman nagagamit. Kung may reality show na pinakikita sina mr. colayco na pamagat ay Nang Magising si Juan, siguro isa ako sa mga “Juan” na “nagising” at natauhan, bakit nga ba di ako nag ipon kaagad?

Kaya sa mga kapwa ko OFW inaanyayahan ko kayo sumali sa aming KsK Coop na nag aalok ng ibat ibang investment na maaari ninyong pasukan magbibigay ng tulong sa atin kapag tayo ay wala nang trabaho. Habang malakas pa, samatalahin na nating makaipon para di dumating sa kung kalian matanda na tayo, doon pa lang magumpisa at maghahabol.

Ang KsK  ay nakakatulong  sa mga kababayan natin sa Pilipinas dahil nabibigyan natin sila ng trabaho sa pamamagitan ng mga negosyo na ipinatayo ng KsK Cooperative. Nakakatulong ang kskcoop sa pag angat ng ekonomiya ng pilipinas. Pwede ring mag-apply ang pamilya ng mga miyembro sa mga negosyo na ipinatayo ng Coop basta qualified.

Sa pagsali sa KsK Cooperative marami kang matutunan. Binibigyan ka ng pagkakataon na makibakas sa mga malalaki at kilalang negosyo na kung nagiisa ka ay di mo makakaya. At higit sa lahat magbabago ang pananaw mo sa buhay. Kapag nakapagattend ka ng mga seminars na binibigay ng libre ng KsK Coop, talagang……. MAGIGISING KA SA IYONG BUHAY PINANSYAL!

Sa Ksk Coop,

KAYANG KAYA basta’t  SAMA SAMA!

 

Disclaimer: the content of this article does not embody the position of KSK Cooperative but only the author’s opinion and experiences (Ang nilalaman ng artikulong ito ay hindi kumakatawan sa pahayag ng KSK Cooperative kundi opinyon at buhay na ipinahayag ng manunulat)

So What?

By James Gonzales

So what if Filipinos were taught to be considered or viewed by Hong Kong residents as Domestic Helpers?

Last week of May 2014, a news spread in the nation that has angered many Filipinos and the so called Filipino “netizens”. The news was about a textbook from Hong Kong which has a “Fill in the blanks” activity page, where students are asked to identify which race is more suitable for a certain characteristic. (below is the said page)

(Photo from Manila Bulletin)

In the photo above, the no. 2 item depicted that the girl there (Malay looking girl), who is a Domestic Helper in Hong Kong, is a Filipino.

Many negative comments and reactions were raised by Filipinos in Social Media websites condemning the Publisher of the book and Hong Kong residents. Many are saying that Hong Kong locals are actually discriminating Filipinos. Others are saying that Filipinos have been generalized as “DH”.

In my opinion, such comments of the “Netizens” are uncalled for, because of the following arguments:

1. As shown in the page of the book, there is an answer box where the different races can be chosen. Filipino is the most suitable answer from the box to identify the woman who is a Domestic Helper in Hong Kong because of its Malay Features. Among all the choices in the box, Filipino is the only race that belongs to the Malay race. Though Indian can be placed there because of the complexion of the skin, but Indians living in Hong Kong are not mainly Domestic Helpers. Many of them are Merchants or working in the Financial Sector.
2. Statistically, many of OFWs in Hong Kong are Domestic Helpers. According to Hong Kong News, a Newspaper catering to Filipinos, there are more than 150,000 Filipino domestic Helpers in Hong Kong in 2012 (the most, compared to Indonesians, Thai, etc.). Also, Domestic Helpers are the most predominant job of OFWs in Hong Kong. Does this justify the generalization “entailed” by such textbook? I think not, but it can contribute.
3. Lastly, what’s wrong with being a Domestic Helper? Does being a domestic Helper make them less of a person? Actually, it is a noble job. Most of them are in their workplace (Stay-in) 24hrs a day for at least 6 days a week, just to earn money so they can support their families in the Philippines. Are there unethical or immoral activities in their job description? Yes, if you are a DH your hands will be dirty, but you are never a criminal or a prostitute. Also, Domestic Helpers are not slaves. They have a contract and they are protected by the laws, thus they are treated as normal employees.

The problem with us Filipinos, we give more prestige to jobs with high educational requirement. It is not the DH’s fault that they are working as such but, with such reality in the Philippines, they endured being away from their families and work overseas.

I am not defending Hong Kong or the publisher of the textbook. If the rationale of the book is to discriminate on us, then shame on them. What I’m trying to point out is that the Filipinos have been too sensitive that we tend to react harshly first before we think. We never realized that by counter-arguing the said book, we are actually the ones who are, primarily, discriminating our Kababayans.

The house helper job is something to be proud of because these people are actually helping Families (may it be Chinese or not) to live their lives easily. It is all about Dignity of Work. You can work whatever job in Hong Kong and no one will discriminate you, as long as what you’re is not illegal.

On a final note; think first, before you react.

---

 

(tagalog translation)

Ano naman Ngayon?

ni James Gonzales

Ano naman ngayon kung ang mga Residente ng Hong Kong ay tinuturuang ituring ang mga Filipino bilang Domestic Helpers?

Noong huling linggo ng Mayo 2014, isang balita ang kumalat sa Pilipinas na nagpagalit sa mga Filipino lalo na ang mga “Netizens”. Ang balita ay tungkol sa isang Libro sa Hong Kong na mayroong “Fill in the Blanks” activity page, kung saan ang mga mag-aaral ay hinihiling na piliin at isulat sa patlang kung anong lahi ang tingin nilang nababagay sa taong tinutukoy. (Sa ibaba ang litrato ng pahina)

(Photo from Manila Bulletin)

Sa litrato sa taas, ang pangalawang (2) bilang ay naglarawan sa isang babaeng kulay kayumanggi at isang Domestic Helper sa Hong  Kong ay isang Filipino.

Maraming tao ang nagpahayag ng negatibong kumento at reaksyon sa “Social Media” Websites patukoy sa naglathala ng nasabing libro at mga residente ng Hong Kong. Marami ang nagsabi na ang mga taga-Hong Kong ay dinidiskrimina ang mga Filipino. Ang iba naman ay nagsabing nilahat ng mga residente ng Hong Kong ang mga Filipino bilang “DH”.

Sa aking palagay, ang mga reaksyon ng mga Filipinong “Netizens” ay di kinakailangan dahil sa mga sumusunod na argumento:

1. Ayon sa pahina ng nasabing libro, mayroong 6 na pagpipiliang lahi kung saan pipili ang mga magaaral ng kanilang sago. Sa ikalawang bilang, Filipino ang pinakanababagay na sagot na magtutukoy sa Domestic Helper na inilarawan na babae dahil sa kanyang kayumangging balat. Sa lahat ng mga lahing nailahad. tanging Filipino lang ang may kayumangging balat. Maaring maisagot ang Indian sa ikalawang bilang, pero karamihan ng mga Indian sa Hong Kong ay hindi naman Domestic Helper. Karamihan sa kanila ay mga mangangalakal o kaya ay nasa larangan ng Pananalapi.
2. Ayon sa istatistika, karamihan ng mga OFWs sa Hong Kong ay Domestic Helpers. Ayon sa pahayagang Hong Kong News, isang pahayagan sa Hong Kong na naglalahad ng mga balitang Filipino, higit sa 150,000 na Domestic Helpers sa Hong Kong ay Filipino noong taong 2012 (Mas marami kaysa Indones, Thais, etc). Isa pa, ang trabahong Domestic Helper ang pinakakaraniwang trabaho ng mga Pilipino sa Hong Kong. Pero, ito ba ay sapat na dahilan para ituring ang lahat ng Filipino sa Hong Kong bilang DH? Sa palagay ko ay hindi, pero ito’y nakakatulong.
3. Panghuli, anong masama sa pagiging Domestic Helper? Ito ba ay nakakahubad ng dignidad ng isang tao? Sa totoo lang, ito ay isang marangal na trabaho. Karamihan sa kanila ay nagtatrabaho ng dalawampu’t apat na oras sa isang araw (lalo na kung ikaw ay nananatili sa tirahan ng iyong amo) at anim (6) na araw sa isang linggo, para lamang masuportahan ang mga pangangailangan ng kanilang pamilya sa Pilipinas. May masamang mga gawain bang kaakibat ang kanilang trabaho? Wala. Madumi man sa kamay ang trabaho nila, pero di sila kriminal o gamitang tao. Isa pa, ang mga Domestic Helpers sa Hong Kong ay hindi alipin. Sila ay protektado ng kanilang Kontrata at ng mga batas ng Hong Kong, kaya’t sila ay tinatrato bilang empleyado.

Ang problema sa ating mga Filipino, nagbibigay tayo ng mataas ng pagtingin sa mga trabahong nangangailangan ng mataas na natapos na edukasyon. Di naman kasalanan ng mga DH na ganoon ang kanilang trabaho, pero dahil sa realidad na mahirap humanap ng trabaho sa Pilipinas, pinili nilang malayo sa kanilang pamilya para maghanap-buhay.

Di ko pinagtatanggol ang Hong Kong o ang naglathala ng nasabing aklat. Kung ang dahilan ng nasabing libro ay idiskrimina ang mga Filipino, sila’y kahiya-hiya. Ang gusto ko lamang ipunto ay tayong mga Filipino ay masyadong sensitibo na tayo ay nagbibigay agad ng mga negatibong reaksyon bago natin isipin kung tama ba ang ginagawa natin. Di natin naiisip na sa ating kagustuhang ipagtanggol ang ating mga sarili mula sa gustong ipahiwatig ng nasabing aklat, tayo mismo ang nagbababa sa ating mga kababayan.

Ang pagiging Domestic Helper ay isang bagay na dapat ipagmalaki dahil ang mga DH na ito ay tumutulong sa mga Pamilya na mapadali ang kanilang pamumuhay. Ang kailangan lang natin ay “Dignity of Work” o ikarangal ang ating mga trabaho, lalo na kung di tayo gumagawa ng masama o illegal.

Panapos na linya; Magisip muna tayo bago magbigay ng reaksyon

Disclaimer: the content of this article does not embody the position of KSK Cooperative but only the author’s opinion (Ang nilalaman ng artikulong ito ay hindi kumakatawan sa pahayag ng KSK Cooperative kundi opinyon lang ng manunulat)